Bashkia Patos me kryetare Rajmonda Balilajn zhvillon një tender të paligjshëm për blerjen e karburantit, kur çmimet kanë kapur kulmin. Tenderi i shpallur në datën 10 shkurt për të furnizuar me karburant bashkinë, është kryer nga Agjencia e Shërbimeve Publike dhe Institucioneve Arsimore.
Kjo procedurë publike ka marrë “flamurin e kuq” nga “Open Data” me mbishkrimin: “Mungesë konkurrence”. Gijotina.com ka siguruar procedurën e cila mban numrin e referencës REF-19405-02-10-2022 me fond limit 2 390 844 lekë të reja, ose rreth 24 milionë lekë të vjetra.
Kompania që është shpallur automatikisht fituese është “OLSI” sh.p.k e vetmja garuese pa asnjë konkurrent tjetër.
Procedura abuzive në dokumentin e siguruar nga gijotina.com lloji i tenderit të zgjedhur është me negocim pa shpallje paraprake, që gjithashtu bie në kundërshtim me ligjin e prokurimit.
Çfarë është lloji i procedurës me negocim, pa njoftim?
1.Kur në përgjigje të dy procedurave të njëpasnjëshme mbi ose nën kufirin ë ulët monetar nuk është dorëzuar asnjë ofertë apo kërkesë për pjesëmarrje
2. Kur për arsye që lidhen me mbrojtjen e së drejtës ekskluzive apo të drejtës së autorit, kontrata mund të lidhet vetëm me një operator ekonomik.
3. Procedura me negocim, pa shpallje paraprake të njoftimit, mund të përdoret në rastin e një nevoje ekstreme të shkaktuar nga ngjarje te paparashikuara që nuk i ngarkohen autoritetit kontraktor. Sigurisht bashkia nuk është në këto kushte. Përkundrazi, procedura e zgjedhur garanton fitore të sigurtë për kompaninë e privilegjuar. Në llogari të kësaj kompanie bashkia ka nxjerrë nga arka e shtetit rreth 24 milionë lekë të vjetra për blerje të karburant, por mund të ishin më pak lekë nëse do të kishte konkurrencë.
Kriza e çmimeve të naftës
Ndërkohë, rritja e çmimit të naftës po i shërben qeverisë për të përfituar sa më shumë para. Gijotina.com më herët raportoi se gati 200 lekë që regjistrohet sot çmimi i naftës në vend, 115 lekë ose 60% të çmimit në total i merr shteti, pa harruar këtu edhe taksat që do të shtohen për disa akse rrugore.
Këto përllogaritje në fund të ditës “vënë me shpatulla pas murit” gjithë shqiptarët, megjithatë bashkitë vazhdojnë të hedhin tenderë pa garë dhe me një konkurrent që janë në kundërshtim me ligjin e prokurimit. A.L/ gijotina.com
Discussion about this post