Kryetarja e Dhomës së Përfaqësuesve të SHBA, Nancy Pelosi është shprehur se ndihet e traumatizuar nga sulmi i dhunshëm që iu bë bashkëshortit të saj. Pelosi u shpreh se familja e saj ishte mirënjohëse për regimin e shpejtë të zbatimit të ligjit si dhe për kujdesin mjekësor që po i kushtohet bashkëshortit të saj. Kujtojmë se Paul Pelosi u godit me një çekiç në shtëpinë e çiftit në San Francisko të premten. Gjendja e 82-vjeçarit po përmirësohet pas sulmit.
“Ai pësoi një frakturë të kafkës dhe lëndime në krahun e djathtë dhe duart, dhe është në spital duke marrë trajtim dhe kujdes mjekësor”, tha Nancy Pelosi.
I dyshuari, 42-vjeçari David Depape, thuhet se ka kërkuar të takohet me Pelosin duke nxitur frikën për dhunën politike në prag të zgjedhjeve afatmesme të 8 Nëntorit.
Autori i dyshuar i krimit u kap dhe u çarmatos nga oficerët. Ai kishte tentuar të lidhte Paul Pelosin “derisa Nancy të kthehej në shtëpi”, thanë burimet e zbatimit të ligjit për CBS News. Thuhet se ai bërtiti “ku është Nancy?” gjatë incidentit.
Ai po përballet gjithashtu me akuzat për sulm me armë vdekjeprurëse, vjedhje dhe disa krime të tjera. 82-vjeçarja Pelosi është një nga politikanet më të fuqishme në vend. Ajo u rizgjodh për një mandat të katërt si Kryetare e Dhomës së Përfaqësuesve në vitin 2021, duke u bërë e dyta në radhë për presidencën, pas Zëvendës Presidentes Kamala Harris.
Discussion about this post