Kryetarja e Radhës së OSBE-së, njëherazi Ministrja e Punëve të Jashtme të Suedisë, Ann Linde, do të vizitojë Shqipërinë ditën e nesërme, më datën 5 Tetor.
Sipas agjendës, kryetarja e OSBE-së, ka planifikuar që të takojë presidentin Ilir Meta dhe Ministren për Evropën dhe Punët e Jashtme Olta Xhaçka. Takimi ndërmjet dy ministreve do të ndiqet nga një konferencë për shtyp në orën 11:40 në mjediset e Ministrisë së Punëve të Jashtme.
Përveç tyre, ajo do të takohet gjithashtu me Kryetaren e Kuvendit, me përfaqësues të shoqërisë civile dhe me Prezencën e OSBE-së në Shqipëri.
Ann Linde pritet të marrë pjesë në nënshkrimin e Memorandumit të Mirëkuptimit ndërmjet OSBE-së dhe Shqipërisë për fuqizimin e punës kundër rrezikut të shpërndarjes dhe keqpërdorimit të Armëve të Vogla dhe të Lehta.
