Pak ditë më parë Sali Berisha ka akuzuar Bashën se po i blen demokratët me poste drejtorësh dhe zv/ministrash në qeverinë e Ramës, për të marrë pjesë në Kuvendin e 18 dhjetorit. Këtë akuzë të tij e ka përforcuar, anëtarja e degës së kësaj partie, Nevila Bami.
Përmes një interviste televizive, Bami pohon se një fakt i tillë po ndodh prej një jave në këtë qark, përkatësisht janë duke u plotësuar disa vende vakante në grup sesione dhe në disa departamente me emra të caktuar, që të jenë gati për Kuvendin e 18 dhjetorit.
“Ajo që dua të bëj më dije është se këtu po ndodh që aty u ka vende vakante, janë duke u emëruar persona të caktuar, sidomos në grup sesione, gjithashtu edhe disa shefa të departamenteve po plotësohen me emra personazhesh, për të qenë gati për Kuvendin e 18 dhjetorit. Nuk e di për me siguri për vendet tjera, por në degën e Lushnjës, po ndodh prej një jave besoj”, u shpreh ajo. Sakaq, ajo theksoi se, kuvendi i 11 dhjetorit do të jetë një mocion mosbesimi për Bashën, që më pas ai të reflektojë dhe të jap dorëheqjen nga posti i kryetarit të PD-së.
Discussion about this post