Pesë turistë suedezë kanë rrezikuar të mbyteshin në det në Ksamil, pasi mjeti lundrues me të cilin po lundronin pati probleme.
Ngjarja është konstatuar gjatë patrullimit në hapësirën detare të Ksamilit, ku shërbimet e Policisë Kufitare dhe Njësisë Policore Detare kanë pikasur pedalonin me pesë turistët në bord.
Pasi kanë kërkuar ndihmë, turistët janë nxjerrë nga situata e rrezikshme, ndërsa pedaloni është tërhequr drejt bregut.
Të pesë shtetasit suedezë kanë dalë në breg pa dëmtime dhe ndodhen në gjendje të mirë shëndetësore.
Pas ngjarjes, turistët kanë falënderuar punonjësit që ndërhynë për t’i ndihmuar.
Discussion about this post