Kryetari i Bashkisë së Tiranës, Erjon Veliaj është kthyer fshehtasi nga SHBA pas një vizite dy ditore që bëri direkt pas akuzave zyrtare që bëri SPAK ndaj tij për korrupsion dhe fshehje të të ardhurave.
Burime për Gijotina.com bëjnë me dije se vizita e tij në SHBA është bërë me porosi të Ramës, ku Veliaj ka shkuar që të takojë lobistë të fuqishëm me ndërhyrjen e Soros që ai t’i shpëtojë burgut ku tashmë të gjithë e dijmë që SPAK ka mbështetjen e fuqishme të SHBA-ve.
SPAK është akuzuar shpesh si vegël e Soros ku një ndër zërat më të fuqishëm është avokati Altin Goxhaj, i cili pas zhvillimeve të fundit është shprehur se Veliaj është lëshuar nga të tijët dhe se zëvendësuesi i tij si i besuari i Soros do të jetë Adreatik Lapaj.
Njoftimi i SPAK
Në përgjigje të interesit tuaj ju komunikojme: Mbi bazën e informacionit për referimin e veprës penale i datës 08.02.2024- i përpiluar nga hetuesit e Byrosë Kombëtare të Hetimit (BKH), Prokuroria e Posaçme kundër Korrupsionit dhe Krimit të Organizuar ka rregjistruar Procedimin Penal nr.27/2024, i cili fillimisht bën fjalë për veprën penale:“Korrupsion pasiv i funksionarëve të lartë shtetërorë ose i të zgjedhurve vendorë” i parashikuar nga neni 260 i Kodit Penal.
Informacioni për referimin e veprës penale mori shkas nga një kallëzim i bërë nga shtetasi i vetëidentifikuar si N.A. Hetuesit e BKH-së, pas verifikimit të të dhënave dhe administrimit të provave dokumentare, referuan informacionin përkatës për veprën penale, mbi bazën e të cilit u rregjistrua procedimi penal i mësipërm.
Deri në këtë fazë të hetimit paraprak, nga provat e grumbulluara, është arritur në konkluzionin se ekzistojnë të dhëna konkrete, të cilat lidhen jo vetëm me veprën penale të parashikuar nga neni 260 i Kodit Penal, por edhe me veprat penale: “Korrupsion aktiv i funksionarëve të lartë shtetërorë ose të zgjedhurve vendorë” i parashikuar nga neni 245, “Pastrimi i produkteve të veprës penale ose veprimtarisë kriminale” parashikuar nga neni 287/2 i Kodit Penal dhe “Refuzim për deklarim, mosdeklarim, fshehja ose deklarimi i rremë i pasurive, interesave privatë të personave të zgjedhur dhe nëpunësve publikë, ose i çdo personi tjetër që ka detyrim ligjor për deklarim” parashikuar nga neni 257/a, pgf 2 i Kodit Penal.
Këto vepra janë pasqyruar tashmë edhe në Rregjistrin e Njoftimeve të Veprave Penale pranë Prokurorisë së Posaçme kundër Korrupsionit dhe Krimit të Organizuar.
Fill pas këtij njoftimi u publikua në rrjetet sociale një foto e tij teksa po largohej nga vendi, gjë që bëri që të reagojë edhe kryetari i Partisë Demokratike, Sali Berisha ku u shpreh se Veliaj po arratisej dhe publikon foto biletën e Veliajt i cili nuk do të ktheje sot, siç ndodhi, por do të kthehej më 17 janar.
Discussion about this post