Drejtori Sportiv i Lazios, shqiptari Igli Tare është zhgënjyer shumë së fundmi nga lojtari serb Filip Kostic. U duk se Eintracht Frankfurt kishte rënë dakord për 28-vjeçarin, por së fundmi duket se kjo gjë është mohuar.
Ndërsa ka folur për gazetën gjermane ‘Bild’ Tare është shprehur i zhgënjyer, pasi është ndjerë i mashtruar.
“Unë u befasova që tani, sidomos nga sjellja e Frankfurtit, tani thonë se Kostic nuk është në merkato dhe se nuk bëhet fjalë për çmimin. Deri vonë, situata më dukej ndryshe …”.-u shpreh ai.
Lojtari serb pritej të nënshkruante një kontratë 4-vjeçare me Lazion për një pagë prej 2.5 milionë eurosh në sezon. Ndërsa klubi italian do u paguante gjermanëve 15 milionë euro plus 3 të tjera bonuse.
“Nuk mora përshtypjen, nga bisedimet që bëmë me klubin se Kostic nuk donte të largohej nga skuadra gjermane. Ne, si Lazio, ishim të gatshëm të negocionim për çmimin, por nuk arritëm në asnjë konkluzion”,- përfundoi Igli Tare./Gijotina.com
