Ngjarja e rëndë e ndodhur mbrëmjen e djeshme në Klinë të Kosovës, ka lënë shumë dhimbje për familjarët. Arton Hoxhaj, vëllai i 23-vjeçarit që u vra mbrëmë në Klinë ka shkruar disa fjalë prekëse për të. Në një story në instagrtam, Hoxhaj ka kërkuar që t’i kthehet vëllai, e duke thënë se pas kësaj, nuk ka më asnjë shpresë që të jetojë.
“Më mirë të na kishe marrë sonte me veti të tanve, ti ishe shpresa jonë, krenaria gjithçka në jetë ishte ti. Me ty do jemi siç ishim. Pusho në paqe engjëlli jonë na ikë në lule të rinis, pa ty nuk do të kem asnjë shpresë me jetu. Kthehuuuu, mos na le, kthehuuu” – shkroi Hoxhaj.
Kujtojmë se 23-vjeçari u vra dje në Klinë, pranë një restoranti, ku, sipas mediave, kishte ngrënë iftar me familjen e tij. F.H, kishte lindur në vitin 1999, pak muaj pasi babai iu vra nga forcat serbe dhe u pagëzua me emrin e të atit. Ai dje nuk arriti t’i shpëtojë plagëve dhe sapo u dërgua në spital, mjeku njoftoi se kishte vdekur. Ndërsa sot është bërë varrimi i tij, ku morën pjesë me mijëra qytetarë.
Discussion about this post