Shqipëria ka pësuar një shpopullim masiv gjatë qeverisjes së Edi Ramës, ku pjesa më e madhe e të larguarve janë rinia, ata që konsiderohen edhe si “truri” i një kombi.
Gjithsesi, duket se për Ramën, kjo nuk përbën problem dhe ndoshta ky është qëllimi i tij, shpopullimi i Shqipërisë.
Ditën e sotme, Rama ka mbajtur një aktivitet në Elbasan, ku ka prezantuar kandidatët për deputet dhe si në çdo takim tjetër, kërkoi votën më 11 Maj, me pretendimet se mandatin e ardhshëm do e fusë Shqipërinë në BE-së.
Por ajo që bie në sy janë deklaratat e tij kontradiktore, ku nga njëra anë po e e shpall Shqipërinë si vendin e parë në zhvillim për rajonin, ku shqiptarët po jetojnë të lumtur dhe se ata që janë larguar tashmë duhet të kthehen për të shijuar edhe ata këtë lumturi, dhe nga ana tjetër trumbeton se me hyrjen ne BE do të kenë mundësi të punojnë lirisht jashtë.
Madje jo më larg se dy ditë më parë, gjatë vizitës së tij në Shkodër, Rama nxorri edhe një të ri nga Thethi i cili tregonte se si se si po mbante me lekë të afërmit e tij qe po ‘vuanin’ në Gjermani dhe Itali.
“Ajo që mund të ndodhi është se dera të mbyllet prap dhe nëse mbyllet prapë nuk dihet kur hapet më. Pse është i rëndësishëm 11 Maj. Sepse nuk është çështja do fitojmë ne apo ato. Duhet që shqiptarët të përqafojnë përtej të majtës dhe të djathtës. Këto janë gjëra që në çdo fushatë bëjnë sens, në këtë fushatë nuk bëjnë sens.
Shqiptarët nuk e kanë pasur si sot votën e lidhur me një gjë shumë personale. Ajo pasaporta evropiane e Shqipërisë do të thotë jo vetëm liri për të lëvizur, por edhe për të qëndruar kudo apo për të hequr atë hijen e një lloj përçmimi që na kanë parë gjithmonë. Nëse ka një kategori që duhet të vrapojë në 11 Maj për të hedhur votën është brezi juaj.
Ajo pasaportë për ju dhe brezin tuaj do të thotë që studimet ju mund t’i kryeni ku të doni dhe jeni njësoj student të BE-së. Kjo do të thotë që ju mund të aplikoni nga shtëpia për një vend pune ku të doni brenda perimetrit të BE dhe nuk ju thotë njeri aplikimi juaj nuk mund të pranohet se je i huaj dhe po ashtu të gjithë duhet ta dinë që me atë pasaportë kur lëvizin në BE nëse kanë nevojë për shërbim mjekësor, nuk i thotë kush që duhet të paguash qimet e kokës por krahas me pasaportën është edhe ajo karta e rrjetit shëndetësor”, shprehet Rama.
Discussion about this post