Kthimi i reshjeve të shiut ka sjellë përmbytje në një zonë të Lazaratit. Të paktën 80 familje janë izoluar në lagjen “Lenxat”. Reshjet e shumta kanë bërë që përroi i Sopotit të dalë nga shtrati dhe të vërshojë në rrugë, duke bërë që e gjitha zona të mbetet e izoluar. Kjo situatë është e përsëritur, pasi sa herë që ka reshje shiu përroi përmbyt zonën.
Vetëm pak kohë më parë sapo nisën reshjet e vazhdueshme të shiut, të cilat shoqërojnë stinën e dimrit, shumë zona u përmbytën dhe fshatra të ndryshëm u izoluan nga lumenjtë që dolën nga shtrati. Qytetarët fajësuan shtetin dhe Emergjencat Civile që nuk kanë marrë masat e duhura për t’iu paraprirë fatkeqësive natyrore.
Discussion about this post