Fluksi i krijuar në autostradën Durrës-Tiranë këtë të dielë kryesisht nga pushuesit ka vënë në lëvizje strukturat e policisë rrugore. Përmes një njoftimi “Rrugorja” njofton shoferët që të përdorin rrugët alternative si Durrës-Tiranë dhe Elbasan-Tiranë, për të shmangur pritjen e gjatë në autostradën Tiranë-Durrës.
“Nisur nga fluksi i madh i automjeteve në kthim për në Tiranë, Policia Rrugore e Tiranës, apelon për të gjithë drejtuesit e mjeteve, që për shkak të trafikut të rënduar në autostradën Durrës-Tiranë, të përdorin rrugët alternative:
*Durrës-Tiranë (Rruga e Ndroqit);
*Elbasan-Tiranë.
Gjithashtu, kujtojmë të gjithë drejtuesit e mjeteve që gjatë udhëtimit të respektojnë distancën e sigurisë nga mjeti në mjet.”-njofton policia.
Gijotina.com raporton për trafik të rënduar në autostradën Tiranë-Durrës edhe gjatë paraditës të së dielës kryesisht nga drejtuesit e mjeteve me destinacion zonën turistike të Gjirit të Lalëzit.
Discussion about this post