Dyndja e pushuesve në plazh ka krijuar radhë kilometrike makinash në rrugët e qarkut të Lezhës. Kjo është situatë e përsëritur në çdo fundjavë gjatë sezonit veror për shkak se pushuesit shkojnë në plazh.
Ditën e sotme, situata më problematike paraqitet në aksin rrugor nga Rana e Hedhur në Shëngjin, përgjatë autostradës Balldren-Milot si dhe rrugën që lidh bregdetin e Tales me autostradën. Që prej orës 17:00 në këto segmente është krijuar radhë kilometrike automjetesh dhe shpesh herë dhe bllokim total i qarkullimit.
Policia rrugore është vendosur në disa pika për të ndihmuar sadopak në lehtësimin e lëvizjes. Trafiku i rënduar është situatë e përsëritur në Lezhë dhe jo vetëm gjatë sezonit turistik veror. Mjetet pritet të kenë problematikë në qarkullim edhe gjatë muajit gusht.
Discussion about this post