Një plantacion i improvizuar në një bodrum është shkatërruar nga policia spanjolle në Ogijares, ndërsa u arrestuan dy të rinj me kombësi shqiptare 24 dhe 33 vjeç, si dhe dy spanjollë të moshës 61 dhe 49 vjeç.
Lëndët narkotike kultivoheshin në dy ambiente (garazhde) të cilat furnizoheshin me energji në mënyrë të parregullt. Shqiptarët u kapën në ambientet e përshtatura si plantacione të kultivimit, ndërsa spanjollët dyshohet se mbështesnin veprimtarinë kriminale të dy shqiptarëve.
Sipas raportimeve, policia zbuloi në plantacionin e improvizuar për kultivimin e narkotikëve 640 bimë, 670 sytha marijuane, 10200 euro cash, si dhe të tjera mjete që përdoreshin për përpunimin e lëndës narkotike.
Agjentë të specializuar në luftën kundër trafikut të drogës në Granada kanë zhvilluar një operacion kundër organizatave kriminale të dedikuara për kultivimin dhe trafikimin e marijuanës në nivel ndërkombëtar.
Hetimi filloi muaj më parë dhe, sipas informacioneve të marra, marihuana mund të rritej në një shkallë të gjerë brenda një shtëpie të vendosur në qytetin e Ogíjares. Pas kryerjes së hetimeve përkatëse dhe marrjes së provave të mjaftueshme në lidhje me ekzistencën e kultivimit të paligjshëm, agjentët kryen operacionin për zbërthimin e tij dhe arrestimin e personave që dyshohet se janë përgjegjës.
Pas marrjes së urdhrit të gjykatës për të kryer kontrollin, agjentët kanë shkuar në vendin ku ndodhej shtëpia e lidhur me organizatën kriminale dhe kanë mundur të verifikojnë se në bodrumin e shtëpisë kishte një tunel që komunikonte me një shtëpi ngjitur, e cila gjithashtu ishte marrë me qira nga të arrestuarit.
Discussion about this post