Këto janë pamjet që vijnë nga një lokal në zonat e nëntë-katëshve në Tiranë, ku në orën 19:45 minuta të datës 24 maj, ndodhi një sherr midis shtetasve shqiptarë dhe holandezë.
Kjo situatë çoi në arrestimin e dy personave, ndërsa një person i plagosur u dërgua në spitalin e Traumës me plagë në pjesën e kokës, përkatësisht 45-vjeçari A. G.
Siç shikohet edhe në pamje, holandezët janë të stacionuar në bar-kafe, ku një person u afrohet duke shkëmbyer disa fjalë me njëri-tjerin.
Pas këtij momenti, 2 shtetas holandezë çohen nga tavolina dhe fillon sherri me karrige dhe tavolina.
Policia e Tiranës ka arrestuar 2 shtetas holandez, D.B 23 vjeç dhe D.H 21 vjeç, të akuzuar për plagosje të rëndë me dashje.
Kujtojmë që tifozët holandezë këto ditë në Tiranë bënë trazira të shumta dhe kanë qenë në fokusin e medias për shkak të sjelljes së tyre.
Kurse betejën e shumëpritur mes Romës dhe Feyenoord e fitoi skuadra e Jose Mourinho me rezultatin 1-0 dhe heroi ishte Nicolo Zaniolo.
Discussion about this post