Gjykata e Tiranës ka caktuar masat e sigurisë për 6 të arrestuarit mes të cilëve 2 punonjës të OSHEE, për “shtëpinë e barit” të zbuluar në zonën “Kashar 2”.
Mësohet se për katër anëtarët e familjes Sulaj, Xhevrije Sulaj, Shqipe Sulaj, Luan Sulaj, Ylli Sulaj është caktuar masa “arrest me burg”, ndërsa për Lutfi Basha dhe Rifat Kuçi, dy punonjësit e OSHEE, është vendosur detyrim paraqitjeje.
Këta persona në bashkëpunim me njëri-tjetrin, në zonën e Kasharit kishin përshtatur katin e dytë dhe të tretë të një vile një banesë të tillë, për të kultivuar bimë narkotike kanabis sativa.
Të arrestuarit Shqipe, Luan dhe Ylli Sulaj në bashkëpunim me njëri-tjetrin, kishin përshtatur banesën e Xhevrie Sulajt, për të kultivuar bimë narkotike. Banesa rezulton në pronësi të Xhevrie Sulajt.
Discussion about this post