E ardhmja e Milinkoviç-Saviç mbetet ende në ajër teksa kontrata i skadon vitin tjetër. Lazio kërkon ta shesë këtë verë, në mënyrë që mos ta humbasë me parametra zero në vitin 2024.
Mundësitë janë të shumta, ku përveç interesit konkret të skuadrave italiane si Inter, Milan dhe Juventus, alternativë mbetet edhe kalimi në Arabinë Saudite. Agjenti i mesfushorit serb, Mateja Kezman ka folur për të ardhmen e lojtarit.
“Ka pasur shumë interes nga sauditët për Sergej, por për momentin kemi opsione të tjera në tryezë. A do të thotë kjo se ai nuk do të luajë në Arabi vitin e ardhshëm? Do të shohim, në jetë asnjëherë mos thuaj kurrë!”, tha ai.
Discussion about this post