Kryetari i Partisë Demokratike zyrtare, Lulzim Basha ka komentuar deklaratat e fundit të Ilir Metës ndaj kreut të SPAK, Altin Dumani. I ftuar në emisionin ‘Open’ në Neës24, Basha u shpreh se më shumë sesa akuza janë shpërthime.
Basha u shpreh se nga puna e SPAK janë në panik ata që duhet të jenë në panik, të cilët sipas tij janë kryeministri Rama dhe kryebashkiaku i Tiranës, Veliaj.
“Ku të çon mushka!”, u shpreh Basha duke komentuar reagimet e ashpra të Metës ndaj SPAK, teksa mori në konsideratë se kjo strutkurë po godet korrupsionin.
Ai theksoi se në momentin që një strukturë që po godet korrupsionin, goditet nga një person, Meta në këtë rast,
““Nuk mund të bëhet fjalë për akuza më shumë sesa për një shpërthim. Kjo nuk është sjellje normale. Të dalësh aty dhe të shash, këto janë sharje. Njeriu i civilizuar edhe kur ka kundërshtimin më ekstrem ndaj diçkaje apo dikujt di te rrjeshtojë argumente. Nuk është as i pari që demonstron këtë sjellje, dhe as Berisha nuk është i dyti. Në panik janë ata që duhet të jenë në panik, është Rama, Veliaj. Është e qartë që SPAK ka trazuar ujërat e kastës politike 34 vjecare”, tha Basha.
PD, i vetmi ligj që votoi ishte për SPAK. Ka qenë partia e Ilir Metës që i ka votuar pesë ligje të tjera për të cilat ishim skeptikë.
Unë kam qenë i vetëdijshëm për atë që po votonim. Një ndryshim në kulturën institiucionale. Kur ke një strukturë që po godet korrupsionin, i cili është një problem që është kthyer në gangrenë, ti godet të vetmin institucion të cilit ja kemi dhënë vetë kompetencat, ku të çon mushka? Nëse pas kësaj ka interesa personale, nëse flet si i pandehur kjo është diçka tjetër dhe është sulm personal”, u shpreh Basha.
Discussion about this post