Moti i keq ka përfshirë dy ditët e fundit të gjithë vendin dhe si pasojë shumë qytete janë përmbytur dhe kanë pësuar dëmtime. Në lidhje më këtë situatë ka reaguar nënkryetari i LSI, Petrit Vasili, i cili ka publikuar përmes një postimi në Facebook disa foto nga qytete të ndryshme të vendit, ku situata duket e rënduar për shkak të reshjeve të shiut dhe erërave të forta. Vasili ka hedhur akuza të forta ndaj kryeministrit Edi Rama, duke thënë se në këto momente të vështira ka braktisur qytetarët. Sipas Vasilit, Rama shfaqet vetëm në rastet kur bëhet fjalë për tendera dhe vjedhje.
“Ku është fshehur Kryeministri?? Vendi në gjendje të vështirë nga moti. Kryeministri nuk e hap gojën për këtë, zaten si gjithmonë. Do të thotë qe s’kemi fare kryeministër. Poston kryeministri mesazhe romantike të një njeriu ne qejfin e tij, te cilit Shqipëria nuk i intereson fare, pastaj lëshon të njëjtin muhabet dhe lan duart: “kështu ndodh në gjithë boten”. Shqiptaret janë gjithmonë vetëm në ditët e hallit, se kryeministri nuk ekziston. Ai ekziston vetëm kur duhen zhvatur koncesione dhe tenderë qindra milion euro, aty i vjen zëri aty i shpërthen arroganca, histeria dhe demagogjia fotot flasin vetë”, shkruan ai. Sakaq, kujtojmë se në disa qytete të vendit raportohen përmbytje dhe probleme me energjinë elektrike për shkak të motit të keq prej disa ditësh.
Discussion about this post