Kandidati i PD-së për Tiranën, Ilir Alimehmeti ka komentuar zhvillimet e fundit në Bashkinë e Tiranës me emërimet dhe shkarkimet që shkaktuan bujë të madhe në media.
I ftuar në emisionin “A Krasta Show”, Alimehmeti u shpreh se Anuela Ristani firmos në jo legjitimitet pasi nuk kemi një shkresë që të tregohet se ajo është urdhëruar të kryejë detyrat e kryebashkiakut.
Alimehmeti u shpreh se opoziat ka bërë një sërë kërkesash në Këshillin Bashkiak, por sipas tij rezulton se ai është inekzistent.
“Këshilli Bashkiak është organi që kontrollon ekzekutivin pra Veliajn. U tha se ka një grup deputetësh që janë të Veliajt në Kuvend, kurse nga ana tjetër kemi këta të Këshillit Bahskiak që janë të Ramës.
Kush është sot kryetar bashkie në Tiranë? U tha fillimisht se ishte Ristani, që u vu nga Rama. Është antikushtetues. Ky emëroi Anuela Ristanin, më pas doli urdhëri për Sara Goxhajn, del Ristani shkarkon Sarën.
Ku është shkresa që është emëruar Anuela Ristani. Hallka e parë është kjo. E kemi kërkuar me shkresë. Çdo gjë që firmoset është në ilegjitimitet.
Ky është këshill bashkiak inekzistent i PS”, tha Alimehmeti.
Discussion about this post