Komisioni i Posaçëm i Apelimit ka vendosur të lërë në fuqi vendimin e KPP dhe të shkarkojë nga detyra prokurorin e Lezhës. Kujtojmë se në 2019 Komisioni i Pavarur i Kualifikimit vendosi shkarkimin nga detyra të prokurorit të Lezhës, Simon Pashuku, për shkak se kishte bërë deklarim të rremë dhe nuk justikonte paratë që kishte në një llogari bankare.
Komisioni evidentoi si probleme kryesore 40 mijë euro të pretenduara si dhuratë nga të afërmit, mungesës së dokumentacionit për të provuar të ardhurat nga qiraja dhe deklarimi i pasaktë i pronës së lëshuar me qira. Po ashtu atij iu vunë në dukje të dhënat kontradiktore në lidhje me biznesin e bashkëshortes dhe shpenzimet e këtij të fundit.
Relatorja vuri në dukje se një apartament i blerë për 60 mijë euro në vitin 2006 ishte fillimi i problemeve të pasurisë së prokurorit Pashuku. Pine tha se ishte deklaruar në fillim se apartamenti ishte blerë me një kredi dhe dhurim nga të afërmit në shumën 40 mijë euro. Hetimi kishte rezultuar se kredia ishte disbursuar 2 vjet pas nënshkrimit të kontratës për blerjen e apartamentit, ndërsa nuk kishte asnjë dokumentacion për të provuar marrjen e dhuratave nga të afërmit. Pashuku është dekretuar prokuror në vitin 2012, ndërsa më parë ai kishte punuar si oficer i Policisë Gjyqësore. Ai u hetua nga KPK vetëm në kriterin e pasurisë.
Discussion about this post