Në mbledhjen e sotme të Komisionit të Sigurisë Kombëtare, Sekretari i Përgjithshëm i PD-së Flamur Noka ka kërkuar informacion nga qeveria për 195 milionë euro që sipas tij janë rrëmbyer nga taksat e shqiptarëve për të ndërtuar strukturën digjitale, që sot është e rrënuar plotësisht.
Ministrja Elisa Spiropali iu përgjigj duke thënë se asnjë cent nga xhepat e qytetarëve nuk është vjedhur, dhe se për sistemet e digjitalizimit Shqipëria është lider në rajon.
Pjesë nga mbledhja:
Noka: Efekti i pagesës dhe tenderave sekretë që keni zhvilluar për mbrojtje digjitale ishte zero. A ka kush përgjegjësi?
Spiropali: Me terroristët është e vështirë të negociosh për përgjegjësi sepse ata kanë qëllimin për të dëmtuar shtetin jo mik. Po ju them që nga analiza që në ditën e parë, 15 korrik të këtij viti, ka nisur faza e mbajtjes në këmbë të shërbimeve qeveritare. Ka nevojë për përfocim të sofistikuar në sistem po dhe ne raportin e kemi paraqitur te ndërkombëtarët. Betejën do e fitojmë, nuk jemi të vetëm. Nuk janë dëmtuar shërbimet. Një plan i detajuar që kushton dhe për të cilin kemi mbështetjen e aleatëve ndërkombëtare.
Noka: Janë paguar 195 milionë euro nga taksat e shqiptarëve për mbrojtje digjitale nga hakerimi, për të gjitha sistemet, kush janë kompanitë që u keni dhënë të drejtën ti kenë këto sisteme me tendera sekretë. Pse sot kemi një sistem të rrënuar dhe të falimentuar? Kush janë kompanitë dhe tenderat?
Spiropali: Ka një mungesë të theksuar koherence. Ju thatë në fillim se pas sulmeve fshihej një grup adoleshentësh, por më pas rezultoi se fshihej një shtet i tërë. Deputetët kanë të drejtë të bëjnë kërkesa dhe të marrin informacion për kompanitë dhe tenderat. Në raport me partnerët në NATO, shpenzon shumë më pak për sigurinë kibernetike. Në këto vite është investuar gjerësisht në digjitalizimin e shërbimeve. U bëtë absurdë tani ju lutem…Po përmbahem…
Noka: Unë them 195 milionë euro janë rrëmbyer..
Spiropali: Të jeni të sigurt ju dhe pse nuk ju intereson, çdo cent në sistemet e digjitalizimit ka shkuar aty ku duhet. Jemi lider në rajon.
Discussion about this post