Gazetari Artan Hoxha ka përjashtuar plotësisht mundësinë që video që qarkullon dhe është publikuar në fundjavë të ketë rrjedhur nga telefoni i Ervis Martinajt. Hoxha tha se aplikacioni Sky nuk lejonte as foto dhe jo më video.
“Nëse videot kanë rrjedhur nga SPAK duhet të ketë një hetim urgjent pasi ky është një skandal. Nga telefoni i Martinajt, i cili ndodhet në Prokurorinë e Kurbinit, nuk ka shanse të kenë rrjedhur, pasi aplikacioni SKY nuk lejonte fotot dhe jo më videot.
Dyshimi që kam unë është mbi një personazh që është arrestuar 4 muaj më parë, i cili ka qenë edhe në Dubai.
Ky person është arrestuar sepse një të penduari, shumë të rëndësishëm, i ka çuar një pako me kumbulla.
Nga ky moment ky është vënë nën hetim.
Ky është arrestuar se ka çuar kumbullat në burg, sepse është interpretuar si mesazh kërcënues. Ia ka çuar kumbullat të penduarit të Elbasanit, Erion Alibejt.
Tani ky që ka çuar kumbullat ndodhet në burg dhe ndoshta videot kanë rrjedhur nga ai telefon”, tha Hoxha.
Discussion about this post