Kryetarja e Komisionit Hetimor për Inceneratorët, Jorida Tabaku është shprehur se nesër do të merren në pyetje 3 administratorët e inceneratorëve të Tiranës, Elbasanit dhe të Fierit.
Tabaku po ashtu vendosi në dukje faktin që afera që nis me 90 milionë euro dhe përfundon me 430 milionë euro, tregon që të gjithë ministrat e përfshirë në këtë procedurë, nga Koka, Ahmetaj e deri te Rama dhe Veliaj janë të përfshirë në vendimmarrje.
“Në të tre kontratat përveçse janë procedura korruptive, kosto është shumëfishuar, ka shumë shkelje. Ne nga nesër do fillojmë me pyetjen e dëshmitarëve. Qytetarët kanë paguar për incenerimin. Edhe para një viti e njëjta pamje ka qenë, një punonjës që thoshte: Për 30 ditë kolaudohet! Pyetja është ku kanë shkuar paratë?”, shprehet Tabaku.
Ajo po ashtu pohoi se nëse 3 pronarët nuk paraqiten ajo do të zbatojë procedurën me Policinë e Shtetit.
Discussion about this post