Ndonëse qeveria ka derdhur lekun lumë për inceneratorët në vend, punonjësit që derdhin djersën e tyre aty nuk paguhen. Kështu, ditën e sotme 30 punonjës të inceneratorit të Fierit protestuan pasi prej katër muaj nuk kanë marrë pagat.
“Vijmë për një copë bukë dhe nuk ti japin”, tha një protestues. Punëtorët theksojnë se janë ankuar tek administratori Farudin Arapi, i cili ju premtoi se do të likuidohen shumë shpejt, por deri tani kjo nuk ka ndodhur. “Zoti, Farudin Arapi na premtoi jo këtë të martë, jo të martën tjetër edhe asnjë gjë fare. Ne presim nga shteti rrogat asgjë tjetër.” “Të na japin paratë dhe të thonë të ikim,” u shprehën punonjësit.
Inceneratori është sekuestruar nga SPAK dhe është vendosur një administrator nga shteti, për shkak të aferave korruptive të zbuluar në këtë projekt. Si duket nga frika që po iu dalin të palarat qeveria harron të paguaj punonjësit.
Discussion about this post