Deputeti i Partisë Demokratike Dashnor Sula ka reaguar pas vendimit të Policisë së Shtetit që i ndaloi mediave publikimin e informacioneve pas sulmit kibernetik.
Për të vënë në plan këtë masë, uniformat blu thanë se gazetarët do të përballen me dënime sipas vendimit të Gjykatës së Tiranës.
Deputeti Sula, thotë se të dhënat sensitive nuk duhen publikuar në media, por ai thekson se autoritetet duhet të nisin hetim ndaj personave përgjegjës për mbrotjen kibernetike.
Sipas tij, për sistemin kibernetik në vendin tonë janë shpenzuar 200 milionë euro, por edhe pse janë shpenzuar kaq para, sistemet tona digjitale bien pre e sulmeve kibernetike.
“Të mos bëjmë gabimin që bëri pushteti.
Solidarizohem plotësisht me vendimin e Prokurorisë për të mos publikuar materialet që janë nxjerrë nga hakerat. Mes atyre e-maileve mund të ketë të dhëna shumë sensitive/sekrete që nuk duhet të dalin në opinionin publik, ndaj ne si qytetarë, mediat duhet të mos bëjmë gabimin që bëri qeveria duke e lënë “Han me porta të hapura” sistemet kibernetike Shqiptare”, thekson ai ndër të tjera.
Discussion about this post