Skuadra Kampione e Kosovës, Ballkani i Suharekës, po jeton një ëndërr, teksa mbrëmjen e sotme arriti kualifikimit në grupet e Ligës së Konferencës, për herë të dytë në histori, kjo kryesisht falë taktikave të trajnerit shqiptar Ilir Daja.
Portokallinjtë, triumfuan me rezultatin 4-1 në Prishtinë në duelin ndaj BATE Borisov, teksa në sfidën e kthimit të zhvilluar mbrëmjen e sotme, në Budapest, për arsye sigurie, u mposhtën minimalisht 1-0, duke siguruar kualifikimin.
Pjesëmarrja në grupet e Ligës së Konferencës (e dyta në dy vjet për Ballkanin) shpërblehet me 2.94 milionë euro, një shifër kjo goxha e konsiderueshme, për një klub si Ballkani.
Ndërkohë që për çdo fitore në ndeshjet e grupeve, shpërblimi është 500 mijë euro, ndërsa barazimi në grupet e Ligës së Konferencës vlen 166 mijë euro.
Shifra këto që do të kishin një ndikim të madh në arkat e klubit nga Suhareka që do të fuqizoheshin ndjeshëm për sezonet në vijim.
Discussion about this post