Janë mbyllur edhe ndeshjet kualifikuese të tetorit për Botërorin ‘Katar 2022’ për kombëtaret e Amerikës së Jugut. Ashtu siç pritej Brazili ka triumfuar sërish duke mposhtur Uruguajin me rezultatin 4-1.
Brazili dominoi ndeshjen gjatë gjithë 90 minutave, ku Neymar ishte lojtari kryesor i Selecaos. 45-minutshi i parë i ndeshjes u mbyll me avantazhin 2-0 të Brazilit, ku fillimisht shënoi Neymar në minutën e 10-ë dhe pastaj Raphinha në minutën e 18 dyfishoi rezultatin.
Ndërsa tre golat e pjesës së dytë u shënuan nga Raphinha në minutën e 58-ë, Luis Suarez nga ana tjetër shënoi golin e vetëm për ekipin e tij në minutën e 77-ë, teksa Gabriel Barbosa në të 83-ën vulosi fitoren 4-1.
Tre pikë ka marrë edhe Argjentina ndaj Perusë, të cilën e mundi me rezultatin minimal 1-0. I vetmi që shënoi për kombëtaren Albiceleste ishte Lautaro Martinez në minutën e 43-të.
Ndërsa pas këtyre rezultateve Brazili vijon të qëndrojë në vend të parë me 31 pikë, ndërsa Argjentina e dyta me 25 pikë. Uruguai renditet i pesti me 16 pikë, teksa Peru i nënti me 11 pikë./K.T/Gijotina.com
