Mesfushori i Kombëtares shqiptare Ermir Lenjani ka folur në prag të ndeshjes së përfaqësuese sonë me Hungarinë.
Lenjani është shprehur në konferencën për mediat se mungesa e tifozëve në ndeshjen që do të luhet në Hungari i ndihmon shumë ata.
“Sigurisht e dimë që Hungari i ka tifozët shumë të flaktë dhe gjithmonë stadiumi është i mbushur dhe mendoj se është shumë mirë për ne, por siç thash të fokusohemi më shumë në lojën tonë për të arritur qëllimin”. – u shpreh ai.
Më tej lojtari shqiptar që luan në kampionatin zvicerian me skuadrën e Grasshopper Club është shprehur kjo skuadër është më e mirë se përfaqësuesja që kemi pasur para disa vitesh.
“Unë mendoj që tani i kemi shumë lojtarë me më shumë kualitet që luajnë në Europë në shumë klube të mira, në top liga, si në Itali që luajnë dhe në Champions League dhe mendoj se në këtë kohë jemi shumë më të mirë.”-theksoi Lenjani. Çfarë nënkuptonte edhe më e mirë se ajo që kemi pasur në momentin historik të ‘Euro 2016’.
Po gjatë kësaj konference mesfushori i Empolit, Nedim Bajrami ka thënë se nuk sheh asnjë nga kundërshtarët tanë si më të fortë.
“Nuk ka më të fortë, të dyja janë të forta, loja fillon 0-0 ndaj duhet të japim më të të mirën tonë.”-u shpreh ai.
Talenti kuqezi foli ndër të tjera për shqiptarët e tjerë që luajnë te klubi italian dhe theksoi se shpreson që së shpejti edhe Asllani të jetë te grupi kryesor i Kombëtares.
“Po i kam dhënë dy gola dhe ndihme shumë në formë. Nuk kemi presion e dimë që duhet të luajmë dhe kaq. Jemi shumë mirë, jemi tre shqiptarë që luajmë me Empolin dhe shpresoj që edhe Asllani të luaj me skuadrën e parë.”-shtoi ai.
Ndërsa rikujtojmë që me 9 tetor ‘kuqezinjtë’ do të përballen në transfertë me Hungarinë, ndërsa më 12 tetor do të ndeshen në ‘Air Albania’ me Kombëtaren polake, për takimet e fundit kualifikuese të Botërorit ‘Qatar 2012’./K.T/Gijotina.com
