Kualifikueset e Botërorit/ Maqedonia e Veriut barazon me Uellsin, Norvegjia “likuidon” Izraelin

Kanë përfunduar të gjitha ndeshjet e mbrëmjes së sotme të kualifikueseve të Botërorit 2026. Në 6 sfidat e zhvilluara sonte, u shënuan 20 gola.

Estonia ia doli që të triumfonte në transfertë 2-3 përballë Moldavisë, ndërsa Gjibraltari u mposht 0-4 nga Çekia. Në krahun tjetër, Norvegjia e Erling Haaland fitoi 2-4 në transfertë ndaj Izraelit.

Në ndeshjet tjera, Maqedonia e Veriut ia doli që në shtëpi t’i merrte 1 pikë Uellsit, duke barazuar 1-1. Ndërsa, Lihtenshtejni u mposht 0-2 nga Kazakistani dhe Mali i  Zi fitoi 1-0 me Ishujt Faroe.