Ndryshimi i formatit të Kupës së Botës, nënkupton dhe, ndryshimin e formatit të kualifikueseve, të paktën, në zonën europiane.
Organizmi kryesor i futbollit kontinental, UEFA do të këshillojë Federatën Botërorë të Futbollit që të përdorë një format “inovativ” për kualifikimin e 16 kombëtareve të “Kontinentit të vjetër” për në Kupën e Botës 2026, të ndarë në dy raunde.
Një fazë grupore dhe play-off. Faza e grupeve përbëhet nga formati tradicional me ndeshje në shtëpi dhe jashtë në 12 grupe me 4 ose 5 skuadra midis marsit dhe nëntorit 2025.
Fituesit e 12 grupeve kualifikohen direkt në Kupën e Botës 2026. 12 vendet e dyta të grupeve do të marrin pjesë në play-off-in që do të luhet në mars 2026 me 16 ekipe. Përveç 12 nënkampionëve të fazës së grupeve të Kualifikimeve Europiane, do të përzgjidhen edhe katër fituesit e grupeve të Nations League 2024/2025 me vendin më të mirë, të cilët nuk e përfunduan fazën e grupeve të Kualifikuesve Europiane në vendin e parë ose të dytë.
Ndeshjet e play-off do të luhen në gjysmëfinale me dy ndeshje të ndjekura nga finalet me dy ndeshje brenda të njëjtës dritare si ndeshjet ndërkombëtare. 16 skuadrat që do të hyjnë në play-off do të tërhiqen në katër ndeshje play-off me nga katër ekipe secila.
Discussion about this post