Kombëtarja kosovare do të përballet sot me Gjeorgjinë në Batumi në ndeshjen e parë kualifikues të Botërorit ‘Qatar 2022’.
Ndeshja do të startojë në orën 18:00, ndërsa Kosova ndodhet në Grupin B të kualifikueseve të këtij Botërori. Skuadra e trajnerit Bernard Challandes u mposht nga Suedia dhe nga Spanja në dy ndeshjet e para në grup.
Megjithatë në këtë takim Kosova pritet të vijë ndryshe, ndërsa dardanët përballen me mungesa në sulm, si Arbër Zeneli dhe Edon Zhegrova të cilët janë të dëmtuar dhe Milot Rashica i cili nuk është lejuar të udhëtojë drejt Gjeorgjisë nga klubi i vet Norwich City, për shkak se ky vend ndodhet në listën e kuqe të Britanisë së Madhe për vendet me rrezikshmëri të lartë nga infektimet me Covid-19.
Menjëherë pas këtij takimi verdhekaltërit do të rikthehen në Prishtinë ku më 5 shtator do përballet me Greqinë, ndërsa me 8 shtator me Spanjën, dy sfida këto shumë të vështira. Grupi B kryesohet nga Spanja me 7 pikë, Suedia me 6 pikë, ndërsa Kosova renditet e fundit me 0 pikë./Gijotina.com
