Sot në orën 18:00 Kombëtarja e Kosovës do të përballet në transfertë me Suedinë në takimin e parafundit kualifikues të Botërorit ‘Qatar 2022’.
Ndeshja do të zhvillohet në qytetin e Solnas, në afërsi të Stokholmit dhe dardanët do përpiqen me gjithçka kanë që të marrin rezultate pozitive.
Ekipi i trajnerit Bernard Challandes pritet të luajë në të njëjtën mënyrë si në sfidën me Spanjën, e cila është konsideruar si më e mira e mundshme nga tekniku, ndonëse rezultatet nuk ishin aspak të tilla, pasi u mundën në shtëpi me shifrat 0-2.
Portieri titullar pritet të jetë Arijanet Muric, mbrojtja do të përbëhet nga Mërgim Vojvoda, Amir Rrahmani, Betim Fazliji dhe Florent Hadergjonaj
Mesfushorë qendrorë do të jenë Florian Loshaj dhe Ibrahim Dresevic, në krahun e djathtë të mesfushës do të jetë Elbasan Rashani, teksa në të majtin Zymer Bytyqi duket se ka fituar garën me Lirim Kastratin i cili nuk është stërvitur shumë për shkak të një lëndimi.
Në fund, por jo më pak të rëndësishmit Milot Rashica do të luaj mbrapa sulmuesit Vedat Muriqi.
Rikujtojmë se në shtator Kosova mundi Gjeorgjinë me rezultatin 0-1 dhe mori një barazim 1-1 ndaj Greqisë./K.T/Gijotina.com
