Ish-zv/komandanti i Forcave Detare Artur Meçollari, deklaroi se procesi për dërgimin në Gjykatën Ndërkombëtare e Drejtësisë të çështjes së detit mes Shqipërisë dhe Greqisë është një vendim politik, por jo një proces që mund të menaxhohet personalisht nga kryeministri Edi Rama.
Gjatë një interviste në emisionin “Studio24”, në News Meçollari u shpreh se çështjet teknike dhe pyetjet që do të adresohen në Hagë janë kompetencë ekskluzive e grupit negociator dhe ekspertëve përkatës.
“Ai nuk e hedh firmën sepse është firmë me risk të lartë. Dhe që të hedhësh firmën duhet të jesh profesionist”, deklaroi Meçollari.
“Të gjitha firmat e atyre që shkojnë në SPAK i kanë hedhur zv.kryeministrat”, u shpreh ai, duke nënkuptuar rrezikun institucional dhe penal që mund të mbartin vendimmarrje të tilla.
Meçollari theksoi se vendimi për t’iu drejtuar Hagës është politik, por ngriti pikëpyetje mbi mënyrën se si po trajtohet procesi nga autoritetet shqiptare.
“Të shkosh në Hagë është vendim politik. Por si do të shkosh në Hagë?”, deklaroi ai, duke kërkuar më shumë profesionalizëm dhe transparencë në trajtimin e çështjes së delimitimit detar.
gijotina.com/
Discussion about this post