Europa është përfshirë nga një valë protestash kundër bllokimit për të frenuar koronavirusin.
Mbi 40,000 njerëz të shtunën u grumbulluan në rrugët e Vjenës në protestën më të madhe në vend lidhur me koronavirusin. Policia u përpoq të frenonte protestën. “Një numër i vogël protestuesish ishin të prirur ndaj dhunës”, tha ministri i Brendshëm austriak Karl Nehammer gjatë konferencës për shtyp, të cilën ai e lidhi me “ekstremistët e krahut të djathtë”.
Austria do të rifusë një bllokim të pjesshëm të hënën dhe do t’i bëjë të detyrueshme vaksinimet kundër koronavirusit nga shkurti i vitit të ardhshëm. Më shumë se 1,400 oficerë policie u vendosën në të gjithë vendin për të ruajtur rendin publik, sipas një deklarate të policisë.
Franca dërgoi dhjetëra policë dhe oficerë në ishullin e Guadeloupe të shtunën pas plaçkitjeve dhe zjarrvënieve gjatë natës në kundërshtim me një shtetrrethim. Ministria e Brendshme tha se 31 persona ishin arrestuar.
Rreth 15,000 njerëz protestuan të shtunën në Zagreb kundër masave të qeverisë kroate për koronavirusin. Nga e hëna, vetëm personat me pasaporta Covid mund të hyjnë në ndërtesat qeveritare dhe publike në Kroaci. Gjithashtu në Holandë protestat kanë qenë të shumta kundër masave anti-COVID duke degjeneruar në dhunë dhe plagosje.
Discussion about this post