Shërbimet ruse të inteligjencës ishin njoftuar paraprakisht për sulmet terroriste në Moskë. Tre burime kanë konfirmuar për Reuters, se Teherani kishte vënë në dijeni autoritete e Moskës për sulmet më vdekjeprurëse në 20 vitet e fundit brenda territorit rus.
“Disa ditë përpara sulmit në Rusi, Teherani ndau informacione me Moskën për një sulm të mundshëm të madh terrorist brenda Rusisë.
Informacionin Irani e mori nga të arrestuarit të cilët kishin planifikuar sulme terroriste në Iran”.
Një burim i dytë tha për Reuters se informacionit që Teherani i dha Moskës për një sulm të afërt nuk kishte detaje specifike në lidhje me kohën dhe objektivin e saktë.”
Anëtarët e ISIS u udhëzuan të përgatiteshin për një operacion të rëndësishëm në Rusi. Një nga terroristët (i arrestuar në Iran) tha se disa anëtarë të grupit kishin udhëtuar tashmë në Rusi”.
I pyetur për informacionet e Reuters, zëdhënësi i Kremlinit, Dmitry Peskov mohoi të kishte dijeni për të tilla të dhëna sekrete.
Shtetet e Bashkuara kishin paralajmëruar gjithashtu Rusinë për një sulm të mundshëm terrorist, por Moska, e cila ishte thellësisht mosbesuese ndaj qëllimeve të Uashingtonit, e hodhi poshtë informacionin.
Sakaq, Rusia ka vijuar me operacoinin për arrestimin e të dyshuarave për terrorizëm. Aksioni është zhvilluar në republikën ruse të Dagestanit ku 9 persona janë arrestuar si të dyshuar për financimin e sulmeve terroriste në Moskë, thekson media ruse, Ria Novosti.
Discussion about this post