Disa influencer-s të mediave sociale po inkurajojnë qytetarët që të mos përdorin krem kundër diellit në përpjekje për të ‘shëruar’ aknet. Por mjekët thonë se pasojat mund të jenë shkatërruese. Ekspertët shëndetësorë po paralajmërojnë kundër një tendence të rrezikshme që qarkullon në rrjetet sociale që po inkurajon njerëzit të mos përdorin krem kundër diellit.
Një numër në rritje i videove në platformën e njohur të mediave sociale TikTok po sugjerojnë se marrja e një djegie nga dielli mund të funksionojë si një nxitje shëndetësore apo edhe të ndihmojë në heqjen e akneve. Mjekët në Spitalin Queen Victoria në Britaninë e Madhe kanë denoncuar shpejt trendin viral, duke shpjeguar se mund të rrisë shanset për të zhvilluar kancer të lëkurës.
“Ndërsa ka përfitime shëndetësore që lidhen me marrjen e mjaftueshme të dritës së diellit, kremi kundër diellit duhet të përdoret ende për të ndihmuar në uljen e rrezikut të zhvillimit të kancerit të lëkurës”-thanë ata në një deklaratë. Mjekët janë të shqetësuar se efektet e këtij trendi mund të zgjasin me vite.
Gjatë muajve të verës, ekspozimi ynë në diell është i lartë dhe veçanërisht gjatë pushimeve tona. Kjo rezulton që trupi ynë të jetë i ekspozuar ndaj rrezatimit diellor për shumë orë. Ky ekspozim i tepërt në diell mund të shkaktojë probleme për lëkurën tonë pasi rrit stresin oksidativ. Megjithatë, shkencëtarët raportojnë se sipas studimeve ka ushqime të pasura me antioksidantë që mund të na mbrojnë nga rrezatimi diellor.
Sipas Organizatës Qendrore të Tregjeve dhe Peshkimit, ushqimi kryesor për të na mbrojtur nga dielli është domatja dhe salca e domates. Domatet janë të pasura me një substancë të quajtur likopen, e cila ka një efekt të fortë antioksidues. Likopeni gjendet edhe në fruta të tjera të kuqërremta, si shalqiri dhe grejpfruti.
Discussion about this post