Vetëm pak minuta pasi Ministria e Jashtme bullgare i kërkoi të bënte kujdes me mënyrën e komunikimit, ka ardhur reagimi i parë nga kryeministrit Edi Rama.
Në një postim në Twitter, Rama ironizon se nëse Bullgaria ka probleme me mënyrën e tij të të folurit, ai ka probleme me mënyrën si Bullgaria po zgjidh çështjet e integrimit duke përdorur dy vendet anëtare të NATO-s.
“Oh! Ministria e Jashtme e Bullgarisë ka një problem me mënyrën time të të folurit! Mjaft e drejtë. Edhe unë kam një problem me mënyrën se si Bullgaria dëshiron të zgjidhë çështjet biletarale duke përdorur procesin e zgjerimit si mjet për rrëmbimin e dy vendeve të NATO-s! Merreni qetë miq: Hiqni VETO-n ose duroni me mua!”, shkruan Rama në Twitter.
Kujtojmë se më herët, Ministrja e Jashtme bullgare i bëri thirrje Ramës që të flasë me gjuhën e një politikani dhe të ruajë një ton të mirë komunikimi.
Discussion about this post