Këto janë pamje që la pas aksidenti tragjik në Fier, që i mori jetën një këmbësori. Drejtuesi i mjetit me emrin Shkëlqim Kondi 66 vjeç teksa po udhëtonte me motos përtej shpejtësisë së lejuar ka ka goditur një person tjetër që po ecte në këmbë, anës rrugës. Për pasojë, këmbësori 50 vjeç është përplasur përtokë.
Kanë qenë kalimtarët e rastit ata që kanë njoftuar policinë, e cila mbërriti menjëherë në vendin e ngjarjes dhe më pas autoambulanca e ka dërguar atë në spital. Pavarësisht ndihmës mjekësore, i plagosuri nuk ka mundur të mbijetojë, ndërkohë që ende nuk dihet identiteti i tij. Ndërkohë, drejtuesi i mjetit, Shkelqim Kondi, po jep dëshminë e tij në polici.
