Moti i keq duket sot të vazhdojë të mbajë të mbërthyer vendin tonë, ndërsa rreziqet janë të shumta. Sipas meteorologëve paraditja e së shtunës karakterizohet nga kthjellimet, por rreth orës 15:00 moti do të marrë një kthesë të papritur. Pritet që të rifillojnë reshjet e shiut të cilat do të zgjasin deri në mbrëmje. Pas orës 20:00 rikthehen sërish kthjellimet.
Siç shihet nga “windy” reshjet më të dendura janë në zonën e Gramshit dhe Elbasanit. Zonat më të goditura nga rrufeja në Shqipëri janë Librazhdi, Elbasani, Himara, Gjirokastra dhe Berati. Ndërsa pritet që këto zona të përfshihen për më shumë se 5 orë nga rrebeshe shiu të forta dhe rrufe të mëdha.
Nata pritet të jetë e kthjellët dhe pa reshje. Temperaturat e ajrit do të luhaten në vlerat ditore nga 11°C deri në 30°C. Era do fryjë mesatarisht me shpejtësi 40 km/h nga drejtimi veriperëndimor duke krijuar në brigjet det dallgëzim 2 – 3 ballë.
Prej disa ditësh Shqipëria është pushtuar nga moti i keq dhe reshjet e shiut, të cilat shënuan dhe 1 viktimë në Malësinë e Madhe, pasi shtëpia u godit nga rrufeja, 2 ditë më parë.
Discussion about this post