Policia e Kukësit ka arrestuar dy persona dhe ka vënë nën hetim dy të tjerë, kushërinj me njëri-tjetrin, pasi janë konfliktuar fizikisht në ambientet e një lokale me shufra hekuri.
Në pranga janë vënë shtetasit E. S., 22 vjeç dhe A. B., 41 vjeç, si dhe janë proceduar në gjendje të lirë vëllai dhe kushëriri i 41-vjeçarit, përkatësisht shtetasit N. B., 50 vjeç dhe B. B., 35 vjeç, të tre banues në fshatin Shtiqen.
Sipas autoriteteve policore, konflikti mes kushërinjëve ka ndodhur për motive të dobëta. Uniformat blu kanë sekuestruar si provë materiale shufrat prej hekuri që dyshohet se u përdor gjatë konfliktit.
Bëhet me dije gjithashtu, se për shkak të dëmtimeve gjatë konfliktit, shtetasi A. B. po merr ndihmë mjekësore në spitalin e Traumës, ku është jashtë rrezikut për jetën.
Discussion about this post