Në Kukëz vazhdon numërimi i votave për zgjedhjen e kryetarit të ri të bashkisë ndërmjet dy kandidatëve: Albert Halilajt të PS dhe Emri Vatës të koalicionit opozitar Bashkimi për fitore.
Të dhënat zyrtare të orës 7:20 sot, më 25 shtator, tregojnë se nga numërimi i 46 qendrave të votimit nga 74 në total, Albert Halilaj ka marrë 7211 vota ose 62% kurse Emri Vata i opozitës ka marrë 4278 ose 37% të votave.
Procesi i votimit u mbyll në orën 19:00, ndërsa sipas KQZ-së në zgjedhje morën pjesë 45,63 %.Më pak qytetarë ushtruan të drejtën e votës, krahasuar me zgjedhjet e 14 majit, ku fitoi socialisti Safet Gjici, mandati i të cilit zgjati pak për shkak të skandalit seksual, ku ai u përfshi. Në zgjedhjet e 14 majit morën pjesë 52.79% e qytetarëve.
Discussion about this post