Inaugurimi i stadiumit të skuadrës së Kukësit nuk do të ndodhë as këtë javë në ndeshjen kundër Partizanit. Dy skuadrat do të përballen për raundin e 14 të Superligës shqiptare, ndërsa pritës janë ‘Verilindorët’.
Megjithatë as në këtë sfidë nuk do të hapet stadiumi që tashmë do mbajë emrin ‘Kukësi Arena’ në vend të ‘Zeqir Ymeri’.
Mësohet se drejtuesit e Kukësit kanë vendosur se takimi me ‘Të kuqtë’ e kryeqytetit të zhvillohet në stadiumin ‘Loro Boriçi’ në Shkodër, ndërsa shtohet se dakordësia me anën e Vllaznisë është arritur.
Kjo përballje është shumë e rëndësishme për të dyja skuadrat me vendasit që duan të kalojnë në vend të parë dhe Partizanin që po mundohet të rikuperojë pikët e humbura.
Kjo ndeshje është planifikuar të zhvillohet në orën 16:45, në stadiumin “Loro Boriçi” të Shkodrës./K.T/Gijotina.com
Discussion about this post