Kukësi mposhti 2-0 Bylisin në shtëpi me verilindorët që arrin fitoren e dytë radhazi në shtatë javë kampionat. Verilindorët shënuan nga një gol për pjesë.
Ai që hapi llogaritë e sfidës ishte Tiago Ferreira në minutën e 23-të ndërsa në fraksionin e dytë, në minutën e 60-të Shqiprim Taipi realizoi golin e sigurisë.
Pas këtij episodi, Kukësi menaxhoi më së miri avantazhin dhe energjitë me ballshiotët që ishin të pafuqishëm për të ndryshuar fatet e ndeshjes.
Pas këtij rezultati, verilindorët ngjiten në kuotën e tetë pikëve në vendin e tetë të renditjes ndërsa nga ana tjetër, Bylisi renditet në vendin e katërt me 11 pikë.
Ndërkohë, në ndeshjen tjetër të javës së shtatë, Kastrioti fitoi me përmbysje ndaj Teutës me rezultatin 2-1. Ishin durrsakët ata që kaluan të parët në avantazh me anë të Erando Karabecit, megjithatë krutanët gjetën forcat për të reaguar, madje që në pjesën e parë.
Ai që rikthyeu ekuilibrin ishte Karakaçi, ndërsa Morbeck përmbysi në fundin e 45-minutave të para. Në fraksionin e dytë, Kastrioti ruajti avantazhin dhe mori një trepikësh me shumë vlera duke u ngjitur në kuotën e nëntë pikëve teksa mban vendin e shtatë.
Sakaq, Teuta vijon me periudhën negative ndërsa ende nuk ka në fituar ndeshjen e parë në Superiore dhe mbeten me katër pikë në vendin e fundit.
Discussion about this post