Kukësi eleminoi Partizanin dhe u kualifikua për në gjysmëfinalen e Kupës së Shqipërisë. Ndeshja e parë për kryeqytetasit ishte mbyllur 1-0 në favor të tyre, ndërsa sot në “Arenën e Demave” Kukësi triumfoi 1-0.
Në kushte të tilla, fituesi u përcaktua nga 11-metërshat.
Golin e vetëm të takimit e realizoi Hasaj në minutën e 21 të takimit. Pas avantazhit, të besuarit e Bledar Devollit u kujdesën më shumë për mbrojtjen.
Në minutën e 34-të u shfaq Cara, por ky i fundit nuk ia doli dot të vendosë ekuilibrat.
Pjesa e dytë filloi me shumë dëshirë për ekipin e Shehit, me skuadrën që u përpoq që t’i ndryshonte rrjedhën sfidës. Në të 47-tën, Taipi tentoi nga goditja e dënimit, pa rezultat.
Partizani shtoi ndjeshëm presionin, duke zhvendosur kundërshtarin tërësisht në gjysmëfushën e vet dhe duke i shndërruar kështu minutat e fundit në mjaft emocionuese.
Koha e rregullt përfundoi me shifrat 0-1, ndërsa skuadrat iu drejtuan shtesës. Edhe në 30 minutat e tjera, u luajt e njëjta melodi, me Partizanin që nuk kishte saktësinë e duhur për të ndëshkuar rivalin.
Nga pika e bardhë, Kukësi u tregua më i saktë, duke marrë kështu kualifikimin. Te ekipi nga kryeqyteti paguajnë shtrenjtë gabimin e Atanaskoskit, i cili nga 11-metra gaboi të dërgojë topin pas shpinës së portierit.
Discussion about this post