Këtë të dielë Kukësi do të ndeshet me Egnatian për javën e 10 të Superligës, ndërsa ende stadiumi i Verilindorëve nuk është gati të inaugurohet.
Ndaj stadiumi për këtë përballje është gjetur vetëm tashmë dhe kjo sfidë do të zhvillohet në stadiumin e Laçit në orën 13:45.
Ekipi i trajnerit italian Diego Longo do të presë skuadrën e Rrogozhinës në atë që mendohet se do të jetë një sfidë shumë interesante.
Aktualisht Kukësi mban vendin e dytë të tabelës së Superligës me 17 pikë dhe në këtë sfidë vjen i frymëzuar pas fitores ndaj Tiranës kryesuese. Ndërsa Egnatia nga ana e saj deri më tani ka treguar se është një surprizë e vërtetë për lojën që ka bërë, ndonëse aktualisht qëndron në vend të 6 me 11 pikë.
Ishte kërkesa e teknikut te Kukësit, për të luajtur në një fushë të mirë për të bërë lojë të shtruar ajo që ka bërë që ndeshja në fjalë të planifikohet për t’u zhvilluar në stadiumin e kurbinasve./K.T/Gijotina.com
Discussion about this post