Kukësi ka nisur të lëvizë dhe këtë të hënë ka bërë zyrtar afrimin e dytë në merkaton verore. Mario Beshiraj është lojtari më i ri i klubit verilindor. 23-vjeçari ka firmosur një kontratë 3-vjeçare me një-herë kampionët e vendit, që kanë nisur prej një jave nga puna për sezonin e ri 2023-2024.
Beshiraj, sezonin e fundit ishte pjesë e Korabit, teksa shënoi 11 gola. Sulmuesi i lindur në Tiranë, në të shkuarën ka qenë pjesë e Vorës dhe e KF Tirana. Teksa me bardheblutë është shpallur dy herë kampion, ndonëse ka patur një aktivizim të kufizuar.
Pak ditë më parë, Kukësi firmosi dhe me Blerim Sahitajn, i cili u afrua nga Liria e Prizrenit. Verilindorët kanë vendosur që të reduktojnë buxhetin, edhe për shkak të problemeve të Safet Gjicit.
Ndërkohë që objektivi për sezonin e ri pritet që të jetë mbijetesa. Nga edicioni i shkuar vetëm 10 lojtarë janë nën dispozicionin e trajnerit Rrahman Hallaçi. I cili gjatë këtyre ditëve po provon dhe disa lojtarë.
https://www.facebook.com/FKKukesiAlbania/posts/671397695027335?ref=embed_post
Discussion about this post