Teuta dhe Kukësi ka përfunduar në barazim pa gola, me të dyja ekipet që lënë dy pikë të çmuara për vazhdimësinë e kampionatit. Pjesa e parë pati më shumë ritëm dhe mundësi fitoreje për verilindorët, por pozicioni jashtë loje i mohoi dy herë avantazhin.
Kukësit iu anuluan dy gola në 45 minutat e para. I pari që u anulua ishte goli i Taipit, pasi u gjykua se në nisje të aksionit Fizaho ishte në pozicion jashtë loje. Për të njëjtën arsye u anulua edhe goli i markut, i cili gjeti rrugën e rrjetës me kokë, pas goditjes së dënimit.
Për durrsakët, Emiliano Vila pati mundësinë të shënonte në minutën e 25-të, goditi vetëm shtyllën, duke mos u dhënë avantazhin të besuarve të Renato Arapit.
Pjesa e dytë pati pak raste nga të dyja skuadrat dhe u shoqërua me shumë nga faulle dhe kartontë të verdhë. Me këtë rezultat Kukësi mban vendin e dytë me 24 pikë, një më shumë se Vllaznia që fitoi dje ndaj Skënderbeut dhe mbetet edhe më shumë pas Tiranës që luan nesër ndaj Laçit. Teuta renditet e pesta me pikë të barabarta me Laçin (18).
Discussion about this post