Qyteti i Kukësit është zgjuar këtë të hënë mes tmerrit nga tërmeti dhe i mbuluar në borë. Bëhet me dije, qyteti dhe zonat përreth janë ndikuar nga masa të paqëndrueshme meteorologjike, të cilat kanë sjellë reshje dëbore. Ndërkohë që tërmeti i fortë që ra në Follorinë të Greqisë mbrëmjen e se dielës është ndjerë edhe në qytetin e Kukësit.
Sipas Komisionit të Mbrojtjes Civile të Prefekturës Kukës nuk është raportuar për dëme në banesa dhe në njerëz. Sa I përket situatës së motit KMC njoftoi se Rrugët nacionale janë të kalueshme normalisht dhe vazhdon të punohet gjatë gjithë kohës për largimin e gurëve dhe inerteve të rëna në disa segmente rruge, kriposjen dhe mbajtjen funksionale të tyre. Edhe rrugët rurale në administrim të bashkive janë të kalueshme.
Për momentin, nuk paraqiten probleme me energjinë elektrike, por paralajmërohet se mund të ketë të tilla në vijim për shkak se edhe dita e martë parashikohet me reshje të dendura bore dhe erë të fortë.
Discussion about this post