Kanë përfunduar ndeshjet e raundit të 11 të Superligës për skuadrat e Kastriotit, Kukësit, Egnatias dhe Tiranës.
Kukësi ka shkatërruar Kastriotin me rezultatin 1-6 në takimin në transfertë. Ishte Feijao ai i cili nisi serinë e golave për Verilindorët në minutën e 24 të këtij takimi, ndërsa më pas Milunovic dyfishoi shifrat në minutën e 42, duke e mbyllur me rezultatin 0-2 fraksionin e parë.
Pjesa e dytë e kësaj sfide ishte shumë pozitive për Feijaon, i cili arriti të realizonte një hat-trick me golat në minutën e 55 dhe 777 të kësaj sfide.
Goli i vetëm nga krutanët u realizua në minutën e 79-ën. Teksa në minutën e 87 Gjelbrim Taipi shënoi të pestin gol për Kukësin dhe minutat shtesë të këtij takimi vulosën edhe rezultatin final me Lulajn që e çoi takimin në shifrat 1-6.
Ndërsa Tirana ka arritur që të bëjë detyrën në ‘Egnatia Arena’ duke fituar me rezultatin 0-2. Golat u shënuan në pjesën e parë nga Ismajlgeci në minutën e 38 të takimit dhe Ngoo në minutat shtesë të këtij fraksioni.
Pjesa e dytë e kësaj ndeshjeje nuk solli më gola, me ‘Bardheblutë’ që morën tre pikët dhe vijojnë të jenë në krye të tabelës së Superligës me diferencën prej një pike nga Kukësi i vendit të dytë./K.T/Gijtoina.com
Discussion about this post