Ndërprerja e marrëveshjes së grurit mes Ukrainës e rusisë ka vënë në vështirësi shumë nga vendet që varen nga ky akord për të plotësuar nevojat e tyre përsa i përket ushqimit.
Duket se vetëm një person, është i aftë, në të gjithë planetin, për të ringjallur këtë tratativë jetësore.
“I vetmi person që mund të rikthejë Vladimir Putinin në marrëveshjen e grurit të Detit të Zi është presidenti turk Rexhep Tayyip Erdogan”, kështu ka deklaruar ministri i Jashtëm ukrainas Dmytro Kuleba.
Ai gjithashtu ka shtuar se Ukraina duhet të koordinohet me Erdoganin për të bindur presidentin Putin.
“Ukraina po koordinohet me Erdoganin për të bindur Putinin që të kthehet në marrëveshjen e Detit të Zi. Erdogan gjithashtu po komunikon me Zelenskyn , është një çështje në interes të përbashkët”, ka thënë ndër të tjera ai.
Discussion about this post